Bəs ideal biopsiya necə olmalıdır?
1. Lokal anesteziya ilə edilə bilsə də, ağrı və psixoloji qavrayışa görə sedasyon-anesteziya ilə aparılması tövsiyə oluna bilər. 2. Ultrasonoqrafiya rəhbərliyi ilə prostatdan ən az 10-12 özə (parça) edilməli, prostatın ölçüsünə uyğun olaraq bu rəqəm artırılmalıdır. 3. Rektal prosedur olduğu üçün gigiyena qaydalarına böyük diqqət yetirilməlidir. 4. Patoloji qiymətləndirmə bu sahədə ixtisaslaşmış həkimin olduğu mərkəzdə aparılmalıdır. 5.Xəstəyə prosedurun mümkün nəticələri və onun hazırlanması barədə məlumat verilməlidir.
Mən prostat biopsiyası etməliyəmmi?
Prostat müayinəsi zamanı yüksək PSA (qan testi) və/yaxud müayinədə anormallıqlar müşahidə edilən xəstələrə prostat biopsiyası tövsiyə oluna bilər. Burada məqsəd xərçəngin olub-olmadığını müəyyən etməkdir. Bununla belə, yüksək PSA həmişə xərçəng demək deyil. Əslində, tez-tez xərçəngdən başqa səbəbləri göstərir. PSA diapazonuna görə xərçəngə tutulma ehtimalı: PSA 2,5-4 ng/ml: 20% xərçəng, 80% infeksiya, prostat böyüməsi və s. PSA 4-10 ng/ml: 25-30%, 70-75% infeksiya, prostat böyüməsi və s. PSA >10 ng/ml: 40-50%, 50-60% infeksiya, prostat böyüməsi və s. Göründüyü kimi, yüksək PSA əslində əksər xəstələrdə xərçəngə işarə etmir. Buna görə biopsiya qərarı çox diqqətlə verilməlidir. PSA-dan başqa digər parametrlər (sərbəst PSA, PSA dərəcəsi, prostatın həcmi və s.) nəzərə alınmalıdır. Bütün bunlar bir mütəxəssis həkimin nəzarəti altında aparılmalıdır.
Hörmətlə
Saadəddin Eskiçorapçı Prof. Dr
