Dr. Aydan Cabbarova

Psixi sağlamlıq mövzusunda maarifləndirmə fəaliyyətində iştirak edən Dr. Aydan Cabbarova psixi pozuntuların erkən aşkarlanması, autizm spektr pozuntuları və uşaqların inkişaf xüsusiyyətləri barədə müsahibələr vermişdir. Həmçinin autizm spektrində inkişaf, praktik müdaxilə üsulları və tibbi-psixoloji yanaşmaların əlaqələndirilməsi mövzusunda elmi-praktik konfransda çıxış etmişdir.

Dr. Aydan Cabbarova 2016-cı ilin mart–may aylarında koqnitiv davranış terapiyası, iyun–iyul aylarında isə interpersonal terapiya üzrə təlimlərdə iştirak etmişdir. 13–15 noyabr 2018-ci ildə layihə çərçivəsində altı mərhələli mübadilə təlimi keçmişdir.

21–24 fevral və 28–31 oktyabr 2019-cu il tarixlərində “Psixofarmakologiyaya müasir yanaşma” təlimlərində iştirak etmiş, 27 oktyabr 2019-cu ildə CBIS-in təşkilatçılığı ilə keçirilən III Milli Psixoloji Forumda təlimçi kimi çıxış etmişdir. 5–9 noyabr 2019-cu ildə İspaniyanın Barselona şəhərində keçirilən ECNP-nin psixofarmakologiya üzrə seminarında, 25–30 yanvar 2020-ci ildə isə “Şizofreniyanın diaqnostikasında və müalicəsində yeni aspektlər” təlimində iştirak etmişdir.

25–28 oktyabr 2021-ci il və 14–17 mart 2022-ci il tarixlərində “Xəstəliklərin Beynəlxalq Təsnifatına 11-ci baxış” üzrə təlimçi kimi fəaliyyət göstərmişdir. 7 iyul 2022-ci ildə “Uşaq psixiatriya şkalaları toplusu” kitabının həmmüəllifi olmuşdur. Həmin ilin 21 sentyabr tarixində “Əlilliyin müəyyən edilməsi üzrə yeni meyarlar” təlimində, 3–8 oktyabr tarixlərində Psixi Sağlamlıq Simpoziumunda təlimçi kimi iştirak etmişdir. 15–18 oktyabr 2022-ci ildə Avstriyanın Vyana şəhərində keçirilən ECNP tədbirinə qatılmış, 28–31 oktyabr tarixlərində “Psixofarmakologiyaya müasir yanaşma”, 15 dekabr tarixində isə “Gənclərin intihar mövzusunda maarifləndirilməsi” üzrə təlimçi olmuşdur.

22 fevral 2023-cü ildə psixi pozuntular üzrə klinik protokolların hazırlanmasında həmmüəllif kimi iştirak etmişdir. 4 may 2023-cü ildə Psixosimpozium çərçivəsində “Gənc psixiatrlar arasında stiqma” mövzusunda təlimçi kimi çıxış etmiş, 7–10 oktyabr tarixlərində Barselonada keçirilən ECNP tədbirində iştirak etmişdir. 8 dekabr 2023-cü ildə keçirilən Psixosimpoziumda da təlimçi kimi fəaliyyət göstərmişdir.

3 may 2024-cü ildə antipsixotiklərin təyinatı, 22 iyun tarixində isə BNR proqramının tətbiqi üzrə təlimçi olmuşdur. 2024-cü ilin oktyabr ayında Xəstəliklərin Beynəlxalq Təsnifatının 11-ci baxışının (XBT-11) psixi pozuntular bölməsinin tərcüməsində iştirak etmişdir.