Dr. Eldar Əliyev

Haqqında 1993-1997-ci illərdə Türkiyənin 19 Mayıs Universitetinin Molekulyar Biologiya Fakültəsində Biokimya ixtisası üzrə təhsil alıb. 1998-2001-ci illərdə həmin universitetdə Biokimya üzrə uzmanlıq təhsili keçib. 2001-ci ildə “Polilaktid membran qoyulmuş insan diş ətlərində yara sağalması sırasında reaktiv oksigen səviyyələrinin ölçülməsi” mövzusunda dissertasiya müdafiə edərək “Biokimya uzmanı” adına layiq görülüb. 2001-2005-ci illərdə təhsilini 19 Mayıs Universitetinin doktoranturasında davam etdirib. Doktoranturada təhsil aldığı müddətdə Türkiyə Elmi və Texnoloji Araşdırmalar Qurumu (TUBİTAK) və NATO-nun təqaüdçüsü olub. 2005-ci ildə doktorluq dissertasiyası müdafiə edib. Türkiyənin Hacettəpə Universiteti Xəstəxanasının Mərkəzi Laboratoriyasında kurs keçib. Bir sıra elmi işlərin və məqalələrin müəllifidir. 2009 -2012-ci illərdə Əziz Əliyev adına Azərbaycan Dövlət Həkimləri Təkmilləşdirmə İnstitutunda fəaliyyət göstərib. Hazırda Mərkəzi Neftçilər Xəstəxanasında biokimyaçı həkim-laborant və şöbə müdiri vəzifəsində çalışır.