Uzman Doktor Fərid Rəfiyev

1998–2004-cü illərdə Azərbaycan Tibb Universitetinin Müalicə-profilaktika fakültəsində təhsil almış, 2004-cü ildə universiteti fərqlənmə diplomu ilə bitirmişdir. 2004–2006-cı illərdə Azərbaycan Dövlət Tibb Universitetinin I Cərrahi Xəstəliklər kafedrasında klinik ordinatura keçərək cərrahiyyə üzrə peşəkar hazırlığını davam etdirmişdir.

Peşəkar fəaliyyəti dövründə beynəlxalq təcrübəyə xüsusi önəm verən həkim, 2007-ci ildə Almaniyanın Berlin şəhərində yerləşən “Vivantes Humbolt Klinikum” və “DRK Klinikum Westend” klinikalarında “Miniinvaziv cərrahiyyə” və “Laparoskopik cərrahiyyə” üzrə ixtisasartırma kursları keçmişdir. Bu sahədə göstərdiyi uğurlara görə Prof. Dr. Ernest Kraas tərəfindən “Laparoskopik cərrahiyyənin mütəxəssisi” adına layiq görülmüşdür.

2011-ci ildə Fransanın Klermont şəhərində keçirilən beynəlxalq “CICE” kurslarını fərqlənmə ilə bitirmiş və Prof. Bruhat diplomu ilə təltif olunmuşdur. Elmi fəaliyyətlə də aktiv məşğul olan mütəxəssis 21 elmi məqalənin, 1 ixtiranın və 3 səmərələşdirici təklifin müəllifidir.

2007–2015-ci illərdə “Uniklinika” xəstəxanasında Cərrahiyyə şöbəsinin müdiri vəzifəsində çalışmış, 2008-ci ildə isə Türkiyənin İstanbul şəhərində yerləşən “İstanbul Cerrahi Hastanesi” klinikalarında həkim-cərrah kimi fəaliyyət göstərmişdir. 2015-ci ildən etibarən fəaliyyətini “Medera” Hospitalda davam etdirib.

Peşəkar fəaliyyəti və tibb sahəsinə verdiyi töhfələrə görə 2014-cü ildə “İlin Həkimi” fəxri mükafatına layiq görülmüşdür. Müasir tibbi yenilikləri daim izləyən mütəxəssis, pasiyentlərinə təhlükəsiz, effektiv və fərdi yanaşmaya əsaslanan cərrahi xidmət təqdim etməyə davam edir.