Dr. Samir Hacıbabayev

Haqqında 1999-cu ildə Azərbaycan Tibb Universitetinin I müalicə-profilaktika fakültəsini bitirmişdir. Ümumi cərrahiyyə və cərrahi onkologiya üzrə ixtisaslaşıb. Hərbi Tibb fakültəsində hərbi-səhra cərrahiyyəsi ixtisası üzrə təhsil alıb. 2006-2009-cu ildə Piroqov adına Moskva Milli Cərrahlıq Mərkəzində cərrahiyyə üzrə aspirantura keçib. 2010-cu ildə ABŞ-ın Klivlend Klinikasında “Qaraciyər, öd yolları, mədəaltı vəzi cərrahiyyəsi və Qaraciyər Nəqli” şöbəsində təcrübə keçib. The Transplantation Society-nin üzvüdür. Hərbi hospitalda cərrah vəzifəsində xidmət edib. 2004-2005-ci ildə İstanbul Universiteti Tibb fakültəsi, İstanbul Memorial xəstəxanasında “Qaraciyər, öd yolları, mədəaltı vəzi cərrahiyyəsi və Orqan Nəqli” mərkəzində çalışıb. Onkoloji mərkəzin Torakoabdominal cərrahiyyə şöbəsində, Mərkəzi Klinikanın cərrahiyyə şöbəsində cərrah vəzifəsində çalışıb. 30-dan çox məqalə müəllifidir, 400-ə yaxın laparoskopik əməliyyat, 2000-dən çox açıq əməliyyat icra edib. Qaraciyər, öd yolları, mədəaltı vəzi, qida borusu, mədə və bağırsaqlar üzərində çoxlu sayda mürəkkəb əməliyyatlar aparıb. 35-dən çox II tip şəkərli diabetə görə mürəkkəb əməliyyatların icra edilməsində iştirak edib. Azərbaycan təbabətində ilk olaraq bir çox mürəkkəb xüsusi əməliyyatları aparıb: Azərbaycanda ilk dəfə total laparoskopik qastrektomiya (Mədənin qapalı üsulla tam əvəz olunması) əməliyyatını həyata keçirib. Azərbaycanda ilk dəfə tam laparoskopik total kolektomiya (həddindən çox uzanmış yoğun bağırsağa görə) əməliyyatını həyata keçirib.