Böyrək biopsiyası necə icra olunur?

Biopsiya günün ilk yarısında icra olunur. Xəstə üzüstə uzanır, əllərini başının yanına qoyur. Ultrasəs cihazı yardımı ilə böyrəklərə baxılır və biopsiyaya maneə olabiləcək bir vəziyyətin olun olub-olmamsı yoxlanılır. Əgər bir maneə aşkar olunmursa biyopsiya olunacaq yer işarətlənir. Biyopsiya əksər hallarda sol böyrəkdən icra olunur. Sağ böyrək qaraciyər altında olduğu üçün və qaraciyərə yaxın olduğu üçün oradan biyopsiya olunmasına üstünlük verilmir. Sol tərəfli biyopsiyaya maneə olacaq hallar olduğunda sağ tərəfli biyopsiya da olunur. Biyopsiya yeri işarətləndikdən sonra o bölgə antiseptik dərmanlarla tamami ilə təmizlənir. steril, yəni mikrobsuz bölgə yaradılır. Həkim steril geyinərək təkrarən təmizlik icra edir. Sonrasında lokal anestetik dərmanlar yardımı ilə o bölgə keyləşdirilir. Prosedur qısa olduğu üçün ümumi anesteziya olunmur, yəni xəstə tamami ilə yatızdırılmır. Prosedur bölgəsi steril örtü ilə örtülür. Sonrasında biyopsiyanın icra ediləcəyi xüsusi tam avtomatik biyopsiya iynəsi açılır. Ultrasəs cihazının müşaiyəti ilə iynə ilə girilərək böyrəyə qədər ilərlənir və biyopsiya icra olunur. bir neçə fərqli boyama olduğu üçün ən az 2 ədəd nümunə alınır. Hər iki nümunə bir böyrəkdən alınır, çünki patolojik proses əksər hallarda hər iki böyrəyi eyni dərəcədə tutmuş olur. Lokal anestetiklərin təsirindən prosedur bölgəsində ağrı olmur. Alınan nümunələr xüsusi məhlulun içinə qoyulur və ən qısa müddətdə patologiya şöbəsinə çatdırılır. Prosedur bölgəsi steril sarğı ilə örtülür. qanama riski olduğu üçün xəstə 1 gün boyunca xəstəxanada hərəkətsiz halda yatırılır və qan analizi kontroluna baxılır. Hər hansı bir ağırlaşma olmazsa 24 saat sonra xəstə evə göndərilir. Prosedurdan sonrakı 10 gün ərzində xəstənin ağır iş görməməsi istənir.