Həkimlərin simptomların nə vaxt yaxşılaşacağını proqnozlaşdırması çətindir, çünki hər bir insanda fərqli inkişaf edir. Sağalma yaşınızdan, ümumi sağlamlığınızdan və COVID-19 simptomlarının nə qədər şiddətli olmasından asılıdır. Yorğunluq kimi bəzi simptomlar, digərləri yaxşılaşdıqda və ya yoxa çıxdıqda belə davam edə bilər.
Qalıcı COVID-19 simptomları necə müalicə olunur? Simptomlar üçün bəzi tövsiyyələr verilə bilər. Dərman müalicəsi yoxdur. Yorğun olduqda istirahət etməyə və gündəlik işlərinizi planlaşdırarkən çətin işlərinizi səhər tezdən etməyə çalışın. Öskürək və ya ağrı kimi simptomları aradan qaldıran dərmanlar istifadə edilə bilər. Ağciyərlərinizi gücləndirmək üçün nəfəs məşqləri edə bilərsiniz. Psixi simptomlar üçün həkiminizlə məsləhətləşin.
COVID-19 sonrası simptomlardan qorunmağın yolu, COVID-19-dan qorunmaqdır.
Covid-19 sonrası sindrom
Bəzi simptomlar Covid-19-dan 12 həftə sonra da davam edə bilər. Bunlar: Yorğunluq, tənəffüs çətinliyi, sinə ağrısı, öskürək, qoxu və ya dad itkisi, baş ağrısı, burun axması, oynaq və ya əzələ ağrısı, yuxu və ya yemək problemləri, tərləmə, ishal, depressiya narahatlığı, konsentrasiya və düşünmə çətinliyi. "Post-COVID-19"-Yoluxduqdan 12 həftə sonra da davam edən simptomlara aiddir. Bu, ağır xəstəliyi olan insanlarda daha çox rast gəlinir, yəni, reanimasiya şöbəsində qalmaq, tənəffüs aparatına qoşulmaq və ya digər növ tənəffüs dəstəyi almaq, COVID-19 sonrası simptomların olması üçün risk faktorlarıdır.
18 yanvar 2023
0
