Follikulometriya, baş verən dəyişiklikləri nəzarət edir, ovulyasiya gününü müəyyənləşdirir və ovulyasiya prosesinin patologiyalarını müəyyənləşdirmək üçün diaqnostik prosedurdur. Sonsuzluğun müalicəsi zamanı qadınların əksəriyyətinə follikulometriya müayinəsi təyin olunur. Follikulometriya follikulun yetişməsinin nəzarətidir.

14 fevral 2023

Nəzarət USM köməyi ilə həyata keçirilir. Follikulometriya ovulyasiyanın baş tutub-tutmamasını təyin etmək üçün ən dəqiq üsuldur. Digər üsullar (ovulyasiya testləri, bazal hərarətin ölçülməsi) belə dəqiq nəticə vermir.
Follikulometriya bu kimi hallarda qadına təyin olunur: ✔️ovulyasiyanın baş tutub-tutmamasını təyin etmək üçün; ✔️menstrual dövrünün mərhələsini təyin etmək üçün; ✔️ovulyasiyanın gününü təyin etmək üçün; ✔️yumurtalıqların funksiyasına kontrol etmək üçün; ✔️süni mayalanma prosedurdan əvvəl; ✔️sonsuzluğun diaqnostikası zamanı; ✔️qadın tərəfindən qəbul olunan hormonal preparatların yumurtalıqlara olan təsirini kontrol etmək üçün; ✔️menstrual dövrünün pozulmasının səbəbini təyin etmək üçün. Follikulometriya bir neçə gün ərzində aparılır. Birinci USM müayinəsi adətən menstrual dövrünün 8-10-cu günündə ,daha sonra müayinə 2-3 gündən bir (bunu qadına nəzarət edən ginekoloq təyin edir) ovulyasiya baş verənə kimi aparılır.